爆機特攻 Hardcore Henry

一開眼，你完全失憶，有個索女﹙希莉賓妮 飾﹚嗌你做亨利，係佢令你起死回生，仲話係你老婆？未望真佢個靚樣，僱傭兵集團就經已殺到埋身，逃亡時，老婆更俾擁有異能嘅波士擄走！僥倖執返身彩嘅你，事後闖入一個陌生城市，嗰度子彈亂掃血肉橫飛，個個都想置你於死地，惟獨是占美﹙沙杜高柏 飾﹚似係同道中人......雖然你滿腦疑惑，但目前只可善用自己嘅改造身軀，拍住占美上天下海攻入敵陣，實行英雄救美兼破解身世之謎！